भारतको मुम्बईमा नक्कली खोप धमाधम लगाउने काम भइरहेको खुलासा भएको छ ।

इन्जेक्सनमा पानी राखेर खोप हो भन्दै मानिसहरूलाई ठग्ने धन्धाको अनुसन्धान गर्नका लागि मुम्बई प्रहरीले टोली गठन गरेको छ ।

महाराष्ट्र सरकारले बम्बे उच्च अदालतलाई बताएअनुसार, शहरमा दुई हजारभन्दा बढी मानिसलाई नक्कली खोप लगाइएको छ ।

यसै सिलसिलामा दुईजनालाई प्रहरी पक्राउ गरेको छ ।

नक्कली खोप दिनका लागि ठगहरूले मुम्बईको एक निजी अस्पतालबाट ३८ वटा सिसी किनेको आशंका छ । कुनै औषधि कम्पनीले नक्कली खोप अभियान चलाउनका लागि खाली सिसीहरूको दुरुपयोग गरेको हो कि भनेर पनि आशंका गरिएको छ ।

सुईमा पानी राखेर घोचिएकाले कसैलाई कुनै साइड इफेक्ट भएको छैन ।

शिवम अस्पतालका दुई कर्मचारीलाई पक्राउ गरेर सोधपुछ जारी छ ।

 

आफ्नो प्रतिक्रिया लेख्नुहोला