समाचार

निषेधाज्ञा खुकुलो भयेता पनि,अझै निषेधित क्षेत्र के के हुन?

काठमाडौं उपत्यकामा जारी निषेधाज्ञा आजदेखि अल्लि खुकुलो पारिएको छ।तर निषेधाज्ञा अझै कायमै छ।

निषेधाज्ञा कायमै भएपनि केही प्रावधानलाई असार ७ गतेसम्म खुकुलो बनाइएको हो । आजदेखि तरकारी, फलफूल, खाद्यान्न पसल, दूध डेरी, मासु, ग्यास पसलहरु, किराना पसल बिहान ११ बजेसम्म खोल्न पाइनेछ । यसअघि बिहान ९ बजेसम्म मात्र खोल्न पाइने व्यवस्था थियो ।

यसपटक भने केहि क्षेत्रलाई खुकुलो पारिएको छ । जसमा पुस्तक पसल, हार्डवेयर पसल, अनलाइन डेलिभरी र होटेल रेष्टुरेष्टहरुले टेकअवे सेवा गर्न दिने भएको छ । पहिले खाद्यान्न पसल बिहान ९ बजेसम्म मात्रै खोल्न दिइन्थ्यो भने अहिले खाद्यान्नका पसल पनि बिहान ११ बजेसम्म खोल्न पाइने छ ।

सवारीसाधन मर्मत गर्ने वर्कसप बेलुका ९ बजेसम्म नै खोल्न पाइनेछ ।  सहकारी संस्थालाई समेत सञ्चालन गर्न दिइनेछ । औषधि, खाद्य वस्तु तथा अन्य वस्तु र अत्यावश्यक सेवा लिन सर्वधारणलाई मास्क लगाएर हिँड्न दिइनेछ । सभा सम्मेलन, व्यवसाय तथा नित्य पूजा, शैक्षिक संस्थाहरु, सार्वजनिक सवारी साधन सञ्‍चालनमा रोक लगाउने निर्णय यथावत् राखिएको छ ।

 

आफ्नो प्रतिक्रिया लेख्नुहोला