अमेरिकाले ७५ वर्ष अगाडि दुई जापानी सहर हिरोशिमा र नागासाकीमा अगस्ट ६ र ९ मा परमाणु बम खसालेपछि त्यसले द्वितीय विश्वयुद्धलाई समाप्तितिर मोडेको थियो।

परमाणु बम विस्फोटपछि ध्वस्त भएको हिरोशिमा सहर
परमाणु बम विस्फोटपछि ध्वस्त भएको हिरोशिमा सहर

परमाणु बमले कतिको मृत्यु भयो भन्ने तथ्याङ्क अनुमान मात्रै हो। तर हिरोशिमाका ३५०,००० जनसङ्ख्यामध्ये १४०,००० र नागासाकीमा कम्तीमा ७४,००० मानिस मरेको बताइन्छ।

बमको विकिरिणको असरका कारण हप्तौँ, महिनौँ र वर्षौँपछि पनि मानिसहरू विभिन्न रोगले मरेका थिए।

बम विस्फोटपछि एशियामा युद्ध समाप्त भएको थियो र जापानले सन् १९४५ अगस्ट १४ मा आत्मसमर्पण गरेको थियो।

आलोचकहरू बम खसाल्नु अगाडि नै जापान समर्पण गर्ने अवस्थामा पुगिसकेको बताउँछन्।

हिरोशिमामा १४०,००० मानिस मरेको अनुमान गरिन्छ
हिरोशिमामा १४०,००० मानिस मरेको अनुमान गरिन्छ

सन् १९४५ मे ७ मा युरोपमा युद्ध सकिएको थियो र जापानलाई जुलाई २८ सम्म समर्पण गर्ने समयसीमा तोकिएको थियो।

ब्रिटेन र कमनवेल्थ राष्ट्रका ७१,००० सैनिक जापानसँगको युद्धमा र थप १२,००० जापानी नियन्त्रणमा मरेको अनुमान गरिन्छ।

अगस्ट ६ मा बिहान ८:१५ मा ‘इनोला गे’ नामक अमेरिकी बी-२९ विमानले हिरोशिमामा परमाणु बम खसालेको थियो।

हिरोशिमामा परमाणु बम खसालेको विमान र विमानका चालक दल
हिरोशिमामा परमाणु बम खसालेको विमान र विमानका चालक दल

युद्धमा परमाणु बम प्रयोग गरिएको यो पहिलो घटना थियो।

हिरोशिमामा खसालिएको ‘लिटल बोइ’ नामक बममा लगभग १५,००० टन विस्फोटक पदार्थको शक्ति थियो र यसले १३ वर्गकिलोमिटर क्षेत्रलाई ध्वस्त पार्यो।

हिरोशिमाका ६० प्रतिशतभन्दा बढी भवनहरू ध्वस्त भएका थिए
हिरोशिमाका ६० प्रतिशतभन्दा बढी भवनहरू ध्वस्त भएका थिए

तर हिरोशिमामा बम खसालेपछि पनि जापानले आत्मसमर्पण गरेन।

तीन दिनपछि फेरी अमेरिकाले नागासाकीमा ११:०२ बजे अर्को परमाणु बम खसाल्यो।

हिरोशिमा र नागासाकीमा खसालिएको परमाणु बम विस्फोट हुँदाको तस्बिर

यो इतिहास कै डरलाग्दो घटना मध्ये एक हो यसपछि धेरै वर्षसम्म मानिसहरु अपांग जन्मिएको थिए ।र अहिले पनि त्यो ठाउँमा मानिसहरु त्यस्तै जिन्मिनछ्न ।

आफ्नो प्रतिक्रिया लेख्नुहोला